Baydhabo,(insidesomalia.org)-Xoogaga Mucaaradka ayaa waxaa ay Weerar loo adeegsaday Madaafiic Barqanimadii maanta ku  garaaceeny xarunta Gobolka Bay ee Baydhabo, gaar ahaan Garoonka Diyaaradaha iyo Xarunta Madaxtooyada ee Magaalada Baydhabo.

Barqanimadii maanta ayaa waxaa Madaxtooyada lagu soo riday illaa 6 Madfac oo hoobiye ah, waxaana la tilmaamay in 2 ka mid ah hoobiyaashaasi ay ku dheceen gudaha Madaxtooyada,halka kuwa kalana ay kudhaceen Gaaroonka Diyaaradaha Magaalada Baydhabo, halkaasi oo ay fariisin ku leeyihiin Ciidamada Itoobiya.

Madaafiicdaasi kadib ayaa waxaa la maqlayay Madaafiic ay ku jawaabayeen Ciidamada Itoobiyaanka oo ku dhacaya halka laga soo ridey madaafiicda oo aheyd duleedka Magaalada Baydhabo.

Kidib Madaafiicda ayaa waxaa agagaarka aqalka Madaxtooyada lagu soo daadiyay Ciidamo fara badan oo isugu jira Itoobiyaan iyo kuwa Mileteriga Dowladda Federaalka KMG ah ee Soomaaliya, kuwaasi oo isku gadaamay Madaxtooyada.

Xaalada Magaalada Baydhabo ayaa waxaa ay u muuqataa mid kacsan, waxaana guud ahaan xiran goobaha ganacsiga ee Magaalada, mana jiraan wax gaadiid  ah oo Magaaladaasi dhaxmaraya Maanta.

Ma cada in wax qasaare ah ay geeysteen Madaafiicda ay Ciidamada Itoobiyaanka ku jawaabayeen, sidoo kale ma jiraan wax war ah oo ku aadan qasaaraha ay geeysteen hoobiyayaasha lagu garacay xarunta Madaxtooyada iyo garoonka Diyaaradaha ee Magaalada Baydhabo.

Weli wax war ah oo ka soo baxay Maamulka Gobolka Bay iyo Ciidamada Dowladda,sidoo kale weli cina masheegan in ay kadanbeeyaan weerarkan maamta lagu sooqaadey maalin cad Magaalada Baydhabo